6 mínútna skrif: Leið til innri friðar og sjálfsskoðunar

​Á níunda áratugnum hóf Dr. James Pennebaker, prófessor við University of Texas, brautryðjendastarf í rannsóknum á áhrifum þess að skrifa um tilfinningar og erfiða reynslu. Hans rannsóknir hafa sýnt fram á að regluleg skrif um tilfinningar og hugsanir geta haft jákvæð áhrif á bæði andlega og líkamlega heilsu. Alison Jones sem hefur skrifað bókina “Write to think “ var með fyrirlestur á AME ráðstefnunni um þetta málefni. 

​Af hverju virkar það að skrifa?

​Samkvæmt kenningum Pennebaker hjálpar það að skrifa okkur að:
- Vinna úr erfiðri reynslu
- Skilja tilfinningar okkar betur
- Draga úr streitu
- Bæta almenna heilsu

Hvernig á að byrja

Alison mælir með því að skrifa án þess að ritskoða sig í 6 mínútur. Hægt er að nota þessa aðfreð:
1. Stilltu klukkuna á 6 mínútur
2. Skrifaðu samfellt án þess að stoppa
3. Einbeittu þér að því sem þú finnur og hugsar
4. Ekki hafa áhyggjur af málfræði eða stafsetningu
5. Vertu fullkomlega hreinskilin/n
Það er líka gott ráð að ef þú ert andvaka að hafa bók við höndina og skrifa niður áhyggjur þínar. 

Að skrifa fyrir sjálfan sig

Þegar við skrifum eingöngu fyrir okkur sjálf skapast öruggt rými fyrir:
- Hreinskilni við sjálfan sig
- Djúpa sjálfsskoðun
- Tilfinningalega úrvinnslu
- Frjálsa og óhefta tjáningu
Spurningar til að byrja með
Prófaðu að spyrja þig:
- "Hvað er efst í huga mér núna?"
- "Hvernig líður mér líkamlega?"
- "Hvað er það sem ég þarf virkilega að skoða betur?"
-“Afhverju skiptir þetta mig máli?”

Umbreyting hugsanna

​Ein af megin kenningum Pennebaker er að með skrifum getum við umbreytt því hvernig við hugsum um erfiða reynslu. Prófaðu að spyrja:
- "Hvað get ég lært af þessari reynslu?"
- "Hvernig hefur þetta mótað mig?"
- "Hvaða styrk hef ég öðlast?"
Með þessu þá breytiru viðhorfi þínu til reynslu sem mögulega var erfið. 

Regluleg iðkun

​Pennebaker og Alison leggja áherslu á mikilvægi þess að skrifa reglulega. Sex mínútur á dag geta:
- Hjálpað okkur að vinna úr daglegum áskorunum
- Aukið sjálfsþekkingu
- Bætt tilfinningalega úrvinnslu
- Stuðlað að betri andlegri heilsu
 Byrjaðu í dag
Sex mínútur er nógu langur tími til að komast í flæði en nógu stuttur til að passa inn í annasaman dag. Alison bendir á að það skipti ekki máli hvort þú geymir það sem þú skrifar - það er ferlið sjálft sem skiptir máli. Því þarftu ekki að geyma skrifin heldur.
Mundu: Þetta er þinn öruggi staður. Hér máttu vera nákvæmlega eins og þú ert, með allar þínar tilfinningar og hugsanir.*
 
Dr. Pennebaker hefur með rannsóknum sínum sýnt fram á að það að setja tilfinningar og hugsanir í orð getur haft djúpstæð áhrif á líðan okkar. Með því að gefa okkur þessar 6 mínútur á dag til að skrifa opnum og hreinskilnum huga, getum við öðlast betri skilning á okkur sjálfum og unnið markvisst í því að bæta andlega heilsu okkar. Ég hvet ykkur til þess að prófa þetta!