Ég var á menntaþingi samtaka atvinnulífsins um daginn, þar voru framúrskarandi fyrirlestrar um menntun starfsmanna, barna o.s.frv.
Það var einn fyrirlestur sem mér fannst sérlega áhugaverður en hann var fluttur af Jóni Björnssyni sem er forstjóri Festi. Festi eiga m.a. Krónubúðirnar og Elko.
Hann fjallaði í sínum fyrirlestri um hvernig þau eru að vinna með sínum starfsmönnum til þess að efla þau og virkja. Ef þið ýtið á myndina, þá getið þið hlustað á fyrirlesturinn hans.

Nú svo ég tengi þetta við ánægju mína á Krónunni þá var það þannig um daginn að ég var að versla í ónefndri verslun. Það var föstudagur og jú fjölskyldunni langaði í föstudags pizzu. Ég byrjaði að leita af botni, svo skinku o.s.frv. Ég hugsaði með mér "af hverju er ekki svona pizza horn með öllu því sem ég þarf í pizzuna", ég hélt áfram að ráfa um verslunina þangað til ég fann jú eitt horn sem átti að vera pizza hornið. Það var hinsvegar ekki allt sem ég þurfti í pizzuna. Það tók mig því töluverðan tíma að labba um verslunina, leita af öllu fram og til baka.
Ég fór síðan í krónuna í gær eins og ég geri oft. Ég er mjög ánægð með nýju verslunina þeirra Flatahrauninu en hún er svo opin, góð lýsing og alltaf "tipp topp". Ég ráfaði þar um og hugsaði "hvað á ég að hafa í matinn" eins og svo margir aðrir. Þá kom ég að kjötinu og var þar ekki bás með þremur tillögum að kvöldmáltíðum og allt á sama stað!
Þegar ég fór svo fyrir hornið var líka hægt að kaupa allt í brönsinn á sama stað. Ég var þvílíkt ánægð með þetta og ég verð að segja að þetta er frábært hvernig þau eru að bregðast við t.d. eldum rétt. 

Síðan að lokum þá verð ég að hrósa krónunni fyrir framúrskrandi vöruúrval, þeir eru alltaf að bæta við vegan vörum og eru með ýmislegt frá Happ. Síðan fyrir okkur kjötæturnar þá eru þeir komnir með vörur frá kjötkompaní. 
Ég vil líka taka það fram að ég hef engra hagsmuna að gæta frá krónunni, bara ánægður viðskiptavinur  og frekar mikið lean nörd - en myndirnar voru það fyrsta sem ég sýndi manninum mínum þegar ég kom heim!
​#notAd :)

Ég og Lísa skelltum okkur á frábæra AME ráðstefnu í nóvember. Dan Gilbert var einn af þeim sem hélt fyrirlestur um vísindin við hamingju. Alveg frábær fyrirlestur!
​

Ég elska þegar ég get sameinað áhugamálin mín. Á ferð minni á hundasýningu um daginn þá var ég á mjög stórri hundasýningu. Oft þegar ég fer á svona stóra sýningu að þá er merkingum ábótavant. Það gladdi mig því mikið þegar ég sá risa skilti með öllum upplýsingum fyrir daginn :)

Nú er meistaramánuður hálfnaður og fróðlegt að vita hvernig öllum gengur með markmiðin sín. Ef ykkur vantar innblástur í að gera eitthvað núna næstu 2 vikurnar þá mæli ég með 5s. Í neðangreindu myndbandi útskýri ég hvað 5s er :)

Á för minni til kaupmannahafnar um daginn þá þurfti ég að sjálfsögðu að nota salernið. Þegar ég var að að fara að þurrka á mér hendurnar þá sá ég að mæling á ánægju var staðsett þar. Það væri gaman að vita hvort að fleiri taka þátt þegar skráningartækið er á þessum stað :)

Hér á Íslandi fögnum við bolludegi. Það er hefð fyrir því að börn í leikskóla föndri vönd þar sem eigi að bolla mömmu og pabba. Eftir því sem að þú bollar meira því fleiri bollur færðu. Það virðist vera að það sé alltaf verið að kenna okkur að meira sé betra ;) Þannig það er verið að ala okkur upp ung í að stóra lotur eru betri :)  Ég valdi mér eina bollu en verð að viðurkenna að ég átti í miklum vandræðum að velja bara eina - bolludagurinn er jú bara einu sinni á ári :)

Á för minni til Svíþjóðar um daginn þá kíkti ég í búðina hjá KappAhl. Það er fatabúð eins og til dæmis h&m. Það sem hinsvegar er ólíkt þessari búð en öðrum svipuðum sem ég hef farið í að í stað þess að fara í hefðbundna röð þá tók maður númer. Þetta gerði það að verkum að ég þurfti ekki að bíða við kassann til þess að tryggja að ég yrði næst, þetta þýddi líka það að ég valdi ekki "vitlausa" röð eins og ég geri ALLTAF :) Nú þar sem ég þurfti heldur ekki að bíða við kassann þá gat ég farið og skoðað á meðan og guess what, auðvitað keypti ég smá meira :)

​S.Max Brown höfundur Leadership Vertigo mun halda námskeið sem ber heitið "Enabling Continuous Improvement Begins with Leadership behaviour and system design". Þar verður m.a. skoðað hvernig við látum vinnuumhverfið endurspegla það sem stjórnendur segja. Stjórnendur segja oft réttu hlutina en svo stenst ekki það sem sagt er þegar starfsmenn vinna vinnuna. Max mun kenna okkur að tengja þetta saman til að fá betri útkomu.
Objectives of course:
Understand how Leadership Vertigo impacts all of us — regardless of position.
Discover the ways we can rewire our brain for better performance and outcomes.
Learn the Enterprise Excellence Model and how systems enable behavior.
Leave inspired with coaching questions, ways to go to the Gemba, and concrete action steps for making things better back at work.
Ekki missa af þessu frábæra heilsdagsnámskeiði sem haldið verður 21.mars. Nánari upplýsingar og skráning á www.leanisland.is